Halîm Denero ke 25 serrî cuwa ver gama ke afîşê ERNK’yî daliqnayêne  hetê polîsê Almanî ra amebi qetilkerdene, cayê qetilkerdişê ci de ame vîrardene. 

Vîrardiş de mûmî ameyî tafînayene, pankart û dovîzê ke şîdetê polîsê Almanî şermezer kenê ameyî akerdene û derheqê qetilkerdişê Denerî de vilawekêk ameye wendene. Hem-vervatoxa Meclîsê Cinîyan ê Şehîde Ronahî  Alya Ekîncî ya ke vîrardiş de qisey kerd vera qetilkerdişê Denerî û polîtîaya hêrişkare ya vera Kurdan ê Ewropa reaksîyon da vat heta ke kiştoxê Denerî hesab nêdê keyeyê ey û  şarê Kurdî, ê do peynîya nê qeqimîyayîşî canêverdê. Sîyasetmedar Abullah Efe zî vist vîrî ke polîsê Almanî rojanê peyênan de vera Kurdan hêrişê xo zêzînayî û vat dewleta Almanya qanûnê xo binpay kena. 6’ê Temmuze de do meydanê Georgsplatzî de seba Halîm Denerî rayraşîyayîşêko gird bêro viraştene.