Bajarê Hamburgî yê Almanya de Neroze ameye pîrozkerdene. Kurdîstanijê ke Kiel, Bremen û Lubeck de ciwiyenê ê zî tewrê şayîye bîyî.

Şayîya ke bi rêzgirewtişî dest pêkerde de verî Hemsekê DKTMyî Selahattîn Irmakî Newroza şarî pîroz kerde.

Hemserekê FED-DEM Eşbaşkanı Saît Bîlbînî zî bale ante ser ke Newroze semedê kurdan yena manaya xoverdayîşî vat: '' Rixmê heme polîtîkayanê zulm, xîle û zextî  kurdan Newroze bi coşê pîlî pîroz kerde û dersa zaliman û zordaran daye.''

Parlamentera Partîya Çepe û Hemvervatoxa Partîye Cansu Ozdemîr zî nêzdîbîyayîşê polîsanê almanan ê vera beyraqe û flamayan şermezar kerd. Ozdemîre vat: ''Şima eşkenê beyraqe û flamayan qedexe bikerê la şima nêeşkenê heskerdişê Ocalan, Mazlûm Dogan û Kemal Pîran zerrîya nê şarî raqilnê vejê.''

Parlementerê HDPyî yo verênd Ahmet Yildirimî zî dewaya qefilnayîşî ya vera HDPyî şermezar kerd û ard ziwan ke HDP îradeyê bi mîlyonan o. Yildirimî vat: ''Şarê kurdan Newroze de vera dewaya qefilnayîşî cewabê serdestan û zaliman da.''

Parlamenterê SPDyî yê Hamburgî Markus Schreiberî zî Newroze pîroz kerd û cehdkerdişê qedexeyê vera HDPyî şermezar kerd. Schreiberî vat: ''Ganî meseleya kurdan bi rayîranê demokratîkan bêro çareserkerdene.''

Bi nameyê YNKyî temsîlkarê/a ci watş ke wa Newroze biba wesîleya yewîya kurdan.

Hemsereka PYDyî Ayşe Huso ke pê telefonî tewrê şayîye bîye vat: ''Ganî hêrişê îşxalî û sîyasetê zextî kurdan zafêr bîyaro têhet. Newroze wa bibo wesîleya yewîya neteweyîye ya kurdan.''

Şayîye de Xemgîn Bîrhat, Seyda Perinçek, Keweê Koroyê TEV-ÇANDî yê Vakurê Almanya yê Kuzey Almanya û Koma Sêrk ê Kielî vejîyayî sehne.