Bajarê Hannoverî yê Almanya de serkêşîya NAV-DEMî de semedê yadkerdişê şehîdanê menga gulane aktîvîteyêke ameye organîzekerdene.

Aktîveteya ke xeylêk kesî tewrê ci bîyî bi rêzgirewtişî est pêkerde. Tahîr Koçerî ke bi nameyê KON-MEDî qisey kerd ard ziwan ke şarê kurdî hêzê xo şehîdanê xo ra geno û vat ganî kurdê ke Ewropa de yê semedê serkewtişî berpirsîyarîya xo bîyarê ca. Hemserekê Meclîsê Hannoverî Xoşnav Atayî zî vat ganî kurdî wayîrê tekêşînê şehîdanê xo vejîyê ke waştişê şehîdan bêrê ca. Reyna merdimanê şehîdan û Komîteya Keyeyanê Şehîdan de zî semedê wayîrvejîyayîşê têkoşînê şehîdan veng da û vat ê do rêçê şehîdan de xoverdayîşî pîlêr bikerê.

Dima ra ercnayîşê Rayberê Şarê Kurdî Abdullah Ocalanî yê derheqê şehîdanê menga gulane ame goştarîkerdene. Aktîvîte pê deyîranê hunermend Seyda Perinçekî qedîyaye.

Reyna Meclîsê Şarê Kurdî yê Qibrisî zî  Merkezê Kulturî yê Theofilosî yê Limassolî de bi  aktîvîteyêke şehîdî yad kerdî.