Seba 3 gerîlayanê HPGyî yê ke 20ê teşrîna verêne de qezaya Dêrikî ya Mêrdînî de şer de şehîd kewtî, kombîyayîşê yadkerdişî ame serûberkerdene.

Bi seyan kesî tewrê kombîyayîşî bîy. Kombîyayîşî seba vîrameyîşê şehîd Hamza Tolhildan û 2 gerîlayanê ke pîya şehîd bîy, bi deqayêka rêzgirewtişî dest pêkerd. Dima qiseykerdişî ameyî kerdene û ame îfadekerdene ke şehîdî rayber û wayîrê rastikênî yê têkoşînê azadîye yê. Yadkerdiş de ame vatene ke ganî her kes wayîrê erjanê ke hetê şehîdan ra saz bîyê, bivejîyo. Kombîyayîş de derheqê cuye û têkoşînê Hamza Tolhildanî de sînevîzyonêk ame mojnayene. Kombîyayîşê yadkerdişî de sloganê "Şehîdî nêmirenî", "Biciwîyo Serek Apo" ameyî vatene.