Edîtorê projeyê kitabê 'Azadîye Do Ser Bikewa-Bi Xetan Abdullah Ocalanî' û Endamê Înîsîyatîfê 'Abdullah Ocalanî rê Azadîye Reimar Heiderî ANFyî rê qisey kerd.

Heiderî da zanayene ke daşinasnayîşê kitabî dewam keno û şar eleqeyêkê pîlî mojneno kitabî. Heiderî vat: ''Kitab de bi xêzan qalê Abdullah Ocalanî û têkoşînê azadîye yeno kerdene. Ma verê cû zî kitabê serê Ocalanî amade kerdbî. Zanîngehê Cambridge de xeylê wendekarî tewrê daşinasnayîşê kitabê ma bîyî. Zafê nînan pawitoxnameyê Ocalanî wendê. 

Abdullah Ocalanî naye ser o tesîrêko pîl viraşto. Ewro dinya de zafê merdimî Ocalanî sey lîderê xo vînenê. Tecrîdê Îmraliyî na noqta de coka nêno qebulkerdene. A raşt bi têkoşînî tecrîd eşkeno bêro şiknayene. Seba azadîya Abdullah Ocalanî ganî merdimî bieşkê xo biresnê şaranê bînan.''