Serrgêra 37. ya Hemleya 15ê Tebaxe herêma Stavrapolî ya Rûsya de pê konserêk ameye fîrazkerdene. Konser Keyeyê Kulturî yê Razdoliye de ame kerdene, muzîsyenê kurd û rûsî tewrê konserê bîyî.

Verî Hemserekê Meclîsê Kurdan ê Stavrapolî Huseyîn Çerkezî qisey kerd û pare kerd ke Hemleya 15ê Tebaxe vengê kurdan da eşnawitene.

Konser de Hetkara Şaredar Lyudmila Nikolayevna zî qisey kerd û hemle kurdan rê fîraz kerde.

Dima deyîrbaze Sayrana Bahadîn, koma govende û koroyê domanan, hunermenda rûse Tatyana Bîktorovna, koma muzîkî ya rûse Razdoliye vejîyayî sehne ser.