Xeylêk şaristananê Ewropa de paştî dîyaye Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye.'

Şaristanê Bellinzona yê Swîsre de serkêşîya Merkezê Komelê Demokratîkî yê Kurdan de seba paştdayîşê hemle çalakîyêke ameye kerdene. Çalakîye de hêrişê îşxalî yê dewleta tirke yê vera Rojawanî ameyî protestokerdene. Çalakîye de eşkerayîya îtalyankî ameye wendene û çarçewa kampanyaya '100 hezar kartan' de kartî erşawîyayî Zîndanê Îmraliyî.

Şaristanê Zug û Lozanî yê Swîsre de bi çalakîyan paştî dîyaye hemle û çarçewa kampanyaya '100 hezar kartan' de kartostalî erşawîyayî Rayberê Şarê Kurdî Abdullah Ocalanî. Çalakîyan de vilawekê serê tecrîdê Îmraliyî zî erşawîyayî.

Şaristanê Strasbourgî yê Fransa de kurdîstanijan û dostanê înan bi slogananê "Bijî Serok Apo" û "Bê Serok jiyan nabe" çalakîye kerde. Çalakîye de ame parekerdene ke çareserîya meseleya kurdan bi azadîya Ocalanî mumkîn a.