Merkezê Çapemenî û Îrtîbatî yê HPG’yî derheqê Hemleya Cengê Heftanînî de eşkerayîyêk daye û nê pare kerdî:

‘‘14’ê Êlule de artêşa Tirkî Wareyê Pawitişî yê Medya ra Heftanîn de herêma Şehîd Kendalî de qilê Şehîd Kendalî, Şehîde Berîvane û Şehîd Şêxmusî  ser o bombayî varnayî û dima ra zî waşt ke leşkeranê xo bi helîkoteranê Skorskyan bikirişê nê cayan. Hêzanê ma çarçewaya Hemleya Cengê Heftanînî de nê helîkopterî hedef girewtî û hîrê hetan ra înan ser o adir varna. Çalakîye de helîkopterêk ame derbkerdene û pîya bi leşkerê ke tede bî peyser ancîya. Dimayê hêrişê helîkoteran erazî de şewat vejîya.‘‘