Hemşaredarê bajarê Bercetoyî yê Italya Luigi Lucchiyî semedê azadîya Rayberê Şarê Kurdî Abdullah Ocalanî veng da.

Şaredarîya Bercetoyî par hemwelatîya anorkî dayîbî Ocalanî. Selahîyetdaranê tirkan badê merasîmê dayîşê hemwelatîya anorkî nêrazîbîyayîş ramojnabi. Lucchiyî ke derheqê nê nêrazîbîyayîşan de qisey kerd, vat: ''Êyê ke vera naye vejîyenê demokrasîyî binpay kenê. Reyna vejîya orte ke ma çîyêko raşt kerdo.'' Lucchiyî ke waştişê azadîya Ocalanî vat: ''Raybero kurd 21 serrî yo ke semedê çareserî veng dano.'' Lucchiyî ard ziwan ke modelê ciwîyayîşê hemparî yê şaran ê Rojawanî ganî hetê dinya ra sey nimûbe bêro girewtene.

Menga temmuze de Şaredarîya Bercetoyî nameyê pirdê 'Rio Rivi Freddi' (Çemo Serdin) sey Hevrîne Xelef nabi pa.