Herêmanê Murcia, Aragon û Katalonya yê Spanya de rêxistinê sendîka, ciwanan û cinîyan bi çalakîyanê cîyayan tewrê Hemleya 'Abdullah Ocalanî rê Azadîye, Meseleya Kurdan rê Çareserîye' bîyî.

Herêma Xosere ya Murcia ya Spanya de Komîteya 'Cinîyî Rojawanî Pawenê' her ca de afîşê 'Abdullah Ocalanî rê Azadîye' darde kerdî û fotografî girewtî. Dima nînan ra albumê fotografan ame amadekerdene û fotografî medyaya dîjîtale de ameyî parekerdene.

Şubeyê Rioja yê Konfederasyonê Karkeran (CGT) zî derheqê Hemleya Azadîye de eşkerayîyêke daye. Sekretera CGTyî Olga Belenguer de Echave ard ziwan ke ê paştî danê hemle û vat: ''Azadîya Abdullah Ocalanî yena manaya çareserîyêka haştîyane û têdûşte ya polîtîke.''

Rêxistina Ciwanan a Katalonya ARRANî zî paştî daye hemle û tecrîdê Îmraliyî şermezar kerd. ARRANî bêvengîya NATO, Spanya û Fransa û pêro dewletanê mîyanneteweyîyan a vera tecrîdî şermezar kerde û azadîya Abdullah Ocalanî waşte.