Hêrişê dewleta tirke ameyî şermezarkerdene

Almanya û Swîsre de hêrişê dewleta tirke yê vera herêma Zînî Wertê ya Başûrê Kurdîstanî, HDP, goranê gerîlayan û dezgehanê cinîyan ameyî şermezarkerdene.

Bajarê Munihî yê Almanya û bajarê Baselî yê Swîsre de bi kurdîstanijan û dostanê înan bi çalakîyan hêrişê dewleta tirke yê vera kurdan û cinîyan şermezer kerd.

Çalakîya Munihî rayberîya Merkezê Komelê Kurdan û Komunê Cinîyan ê Sara ra ameye oraganîzekerdene. Çalakîye de bale ameye antene hêrişanê vera herêma Zînî Wertê ya Başûrê Kurdîstanî, şaredarîyanê HDPyî  û goranê gerîlayan ser û ame vatene ke kurdî do rixmê heme hêrişan wayîrê erd û erjanê xo bîvejîyê

Bi eynî waştişê Basel de zî endaman Meclîsê Cinîyan ê Ronahî çalalîyêke organîze kerd. Cinîyan hêrişê vera dezgehanê cinîyan ê Amedî û heme hêrişê bînî yê dewleta tirke yê vera Kurdîstanî şermezar kerdî. Cinîyan vera hêrişê vera Komeleyan Cinîyan ya Rosa hêrsê xo ard ziwan û bi sloganan şîdetê camêrd-dewlete şermezar kerd û vat ê do têkoşînî xurtêr bikerê.