Hêrişê dewleta tirke ya îşxalkere yê vera Başûrê Kurdîstanî welatanê cîyayan ê Ewropa de pê çalakîyan yenê protestokerdene.

Hildeshim

Şaristanê Hildeshimî ya Almanya de Meydanê Angouleme yê merkezê şaristanî de çalakîyêke ameye kerdene. Çalakîya de pankarta bi nuşteyê ''Tirkîya û milîsanê aye vindarnê'' ameye berzkerdene.

Freiburg

Kurdistanijî Meydanê Alte Synagoge yê Freiburgî de ameyî pêser û înan pê eşkerayîyêka çapamenîye hêrişê dewleta tirke yê vera Rojawanî, Başûrî û bêbextîya PDKyî şermezar kerdî.

Nurnberg

Kurdîstanijî û almanî Korenzkirasche yê Nurnbergî yê Almanya de ameyî pêser û înan pankarta bi nuşteyê ''Artêşa tirke Kurdîstanî ra def bibe', 'Terorîst dewleta tirke, terorîst AKP' û 'Vizêr Efrîn, ewro Başûrê Kurdîstanî, vera îşxalkerîye bêveng nêminê' ameyî akerdene. Çalakîye de vilawekî zî ameyî vilakerdene.

Frankfurt

Rayberîya Merkezê Komelê Kurdî yê Demokratîkî (NCKD) de Hauptwache de saete 16:00 de pê nawnayîşêk şaristanê Frankfurtî yê Almanya de hêrişê dewleta tirke yê vera Başûrê Kurdîstanî ame protestokerdene. Bin eynî waştişî kurdîstanijî û dostê înan bajarê Esslîngen de zî meyndanan de bî.

Esslingen

Drancy

Têgêrayîşê Ciwanan ê Şorişgêran û Têgêrayîşê Cinîyan ê Ciwanan (TCŞ/TCJ) banlîyoyê Parisî yê Drancy de pankartê bi nuşteyê ''Prosesê janî de Erdogan hêrişê kurdan, Mexmûr û Zînî Wertê keno. Hêrişê 15ê nîsane de 3 cinîyî merdî'' ameyî daliqnayene. Çalakîye de vilawekî ameyî vilakerdene.

Toulouse

Şaristanê Toulousî yê Fransa de zî ciwanan pê çalakîyêka bêîtaate ya sivîle hêrişê dewleta tirke protesto kerdî. Ciwanan pankarta bi nuşteyê ''Kiştox Erdogan, hemkar PDK'' akerdî. Çalakîye pê wendişê vilawekan qedîyaye. Reyna Parîs, Villeneuve-Saint-Geroges û Marsîlya de zî bi eynî amancî çalakîyî ameyî viraştene.

Paris

Villeneuve-Saint-Geroges

Marsilya