Ermenistan de rayberîya Yewîya Cinîya Azade (YJA)  de hêrişê dewleta Tirkî yê vera Başûrê Kurdistanî ameyî şermezarkerdene.

Endama YJA Çîçek Rizgara ke semedê yewbîyayîşê Kurdan û paştdayîşê Başûrê Kurdistanî veng da nê vatî: ‘’PDK bi hemkarîya xo ya dewleta Tirkî 100 serr a ke  destkewteyanê Kurdan xerc keno. Sey serranê 92-97’î ewro zî xeta hemkarîye de israr keno. Vizêr Xandeqîn û Kerkûk teslîm kerdî ewro zî cayê ke Kurdî bi hezar serran o ke vera heme hêrişan xo tede pawito, danê dewleta Tirkî. Çîyêko winayên nêno qebûlkerdene. Nê operasyonê îşxalî de şaro sivîl yeno qetilkerdene. Hetê bînî ra zî PDK semedê paştdayîşê dewleta Tirkî ya îşxalkare herêma xakurkê û Bradostî de dewan keno veng. Herême yena bêmerdimkerdene. Rayberê Şarê Kurdî Abdullah Ocalan tim semedê yewîya neteweyîye ya Kurdan têgêreno la PDK vernîya naye gêno û destkewteyanê Kurdan fîneno tehluke. Ganî heme Kurdî vera hêrişanê dewleta Tirkî û hemkarîya PDK’yî bêveng nêmanê. Bêvengîye vera hêrişan hemkarîya qirkerdişî ya.’’