Xeylêk şaristananê Ewropa de kurdan û dostanê înan hêrişê îşxalî yê dewleta tirke yê vera Başûrê Kurdîstanî şermezar kerdî.

Paytextê Swêdî Stockholm de kurdîstanihan rayberîya Rêxistina Cinîyan a Amara û dezgehanê Rojhelatê Kurdîstanî de çalakîyêke kerde û hem hêrişê îşxalî hem zî xeta îxanetî şermezar kerdî. Çalakîkeran venga her kesî da ke vera hemkaranê Tirkîya tewirêkê xurtî bimojno.

Şaristanê Oldenburgî yê Almanya de kurdan û antîfaşîstanê almanan hêrişê îşxalî protesto kerdî. Çalakîkeran venga Almanya, Ewropa û Amerîka da ke wa paştî nêdê Tirkîya.

Şaristanê Milano yê Îtalya de zî bi eynî waştişî çalakîyêke ameyî kerdene. Çalakîye ame vatene ke faşîzmê AKP-MHPyî huqûqê mîyanneteweyî binpay keno û îşxalkerî wazenê xeyalanê Osmanîyan bîyarê ca. Çalakîye de bale ameye antene hemkarîya PDKyî û bira Amerîka ya serê 3 kadroyanê PKKyî ser zî. Çalakîye de pankarta 'Ocalanî rê Azadîye' ameye akerdene.