Hêrişê îşxalî yê dewleta tirke yê vera Kurdîstanî Chur, Montpellier û Stuttgart de ameyî şermezarkerdene.

Şaristanê Churî yê Swîsre de mîtîngêk ame kerdene. Mîtîng de bêvengîya Amerîka, Rûsya û dewletanê bînan a vera hêrişan ameyî protestokerdene. Çalakîye bi sloganan qedîyaye.

Şaristanê Montpellierî yê Fransa de kurdîstanijan û dostanê înan serkêşîya Merkezê Komelê Demokratîkî yê Kurdan de çalakîyêke kerde. Çalakîye de sloganê sey "Bijî Serok Apo", "Qatil Erdogan", "Dîktator Erdogan" ameyî vatene. Çalakîye de venga komelê mîyanneteweyî ame dayene ke hêrişanê dewleta tirke vindarno.

Şaristanê Stuttgartî yê Almanya de zî TCŞ, TÊKO-JIN û ciwananê enternasyonalîstan çarçewa Hemleya Werin Cenga Azadîyê de hêrişê îşxalî yê dewleta tirke şermezar kerdî. Ciwanan vera hêrişan seba seferberîye veng da. Ciwanan dima pê alayanê PKKyî rayraşîyayêk kerd.