Xeylêk şaristananê Ewropa de hêrişê dewleta tirke yê vera Rojawanê Kurdîstanî ameyî şermezarkerdene.

Şaristanê Innsbruckî de serkêşîya Merkezê Komelê Demokratîkî yê Kurdan de kurdan û dostanê înan çalakîyêke kerde. Îbo Wanî nameyê merkezî ser o qisey kerd û pare kerd ke ganî şarê Ewropa şarê Rojawanî teyna nêverdo.

Şaristanê Bregenzî yê Avusturya de bi destekê Partîya Azadîya Avusturya (FBO) çalakîyêke ameye kerdene. Qiseykerdişan ra dima çalakîye bi slogananê sey ''Kujer Erdogan" û "Bijî berxwedana Rojava" qedîyaye.

Paytextê Almanya Berlin de serkêşîya Meclîsê Cinîyan ê Dest Danî û Nav-Berlinî çalakîyêke ameye kerdene. Çalakîye de bale ameye antene ser ke dewleta tirke hêrişê xo yê vera Rojawanî de sivîlan qetil kena. Qiseykerdişan de venga hêzanê mîyanneteweyîyan dîya ke wa hêrişan vindarnê.

Şaristanê Wuppertalî serkêşîya Meclîsê Cinîyan ê Vîyane de çalakîye ameye kerdene. Çalakîye de hêrişê dewleta tirke yê vera Rojawanî û Mexmûrî ameyî protestokerdene û sloganê sey "Bijî berxwedana Rojava", "Jin jiyan azadî" ameyî vatene.