Xeylêk şaristananê Ewropa de hêrişê îşxalî yê dewleta tirke yê vera Herêmanê Pawitişî yê Medya û tecrîdkerdişê Rayberê Şarê Kurdî Abdullah Ocalanî ameyî protestokerdene.

Roma

Roma de kurdî û dostê înan tewrê çalakîya Piazza Dell Esquilinoyî bîyî. Çalakîye de xeylêk rêxistinanê Îtalya û temsîlkaranê rêxistinan û partîyan ê Îtalya ard ziwan ke ê paştî danê têkoşînê şarê kurdî. Qiseykerdişan de hêrişê vera Herêmanê Pawitişî yê Medya ameyî şermezarkerdene.

Paris

Kurdan pê posteranê Rayberê Şarê Kurdî û pankarta 'Bimiro hêrişê dewleta tirke' hêrişê îşxalî yê vera Metîna, Zap, Avaşîn û Mexmûrî şermezar kerdî. Hemserekê Meclîsê Komelê Demokratîkî yê Kurdan Azad Doganî çalakîye de pare kerd ke wa kurdî vera hêrişan meydanan de bibê. Çalakîye pê slogananê 'Biciwîyo xoverdayîşê gerîlayan' û 'Kiştox Erdogan' qedîyaye.

Dortmund

Aktîvîstanê TCŞ û TÊKO-JIN pê nawnayîşêk hêrişê îşxalî yê dewleta tirke û tecrîdê vera Rayberê Şarê Kurdî şermezar kerdî. Ciwanan tecrîdê Îmraliyî û hêrişanê îşxalî ser o zî vilawekî vila kerdî. Çalakîye pê sloganan qedîyaye.

Drancy

Aktîvîstanê TCŞ û TÊKO-JIN pê rayraşîyayîşêkê çalakîye hêrişê îşxalî û tecrîdê Îmraliyî protesto kerd. Çalakîye de sloganê sey 'Bimiro îxanet', 'Biciwîyo xoverdayîşê gerîlayan' ameyî vatene.

Çalakîye de sloganê sey 'Bimiro îxanet', 'Biciwîyo xoverdayîşê gerîlayan' ameyî vatene.

Marsilya

Aktîvîstanê TCŞ û TÊKO-JIN hemkarîya dewleta tirke- PDKyî, hêrişê îşxalî û tecrîdê Îmraliyî pê rayraşîyayîşê çalakîye şermezar kerdî. Çalakîye de pankarta 'Cade peynîya birakûjîye bîyarê' akerde. Ciwanan venga kurdan da ke vera îxanetî vejîyê meydanan.