Şaristananê Dusseldorf û Berlinî yê Almanya de hêrişê kîmyewîyî yê dewleta tirke yê vera gerîlayan ameyî protestokerdene.

Dusseldorf de seba teşhîrkerdişê sûcanê şerî yê dewleta tirke yê vera kurdan û seba agahdarkerdişê şarî verê Parlamentoyê Eyaletê NRWyî de xeymêke ameye akerdene. Çalakîye de derheqê hêrişanê kîmyewîyan ê dewleta tirke de qiseykerdişî ameyî kerdene. Çalakîye ewro zî do dewam bikera.

Înîsîyatîfê Vera Çekanê Kîmyewîyan Berlin de seba ke bale bianco hêrişanê kîmyewîyan ê dewleta tirke ser, verê bînaya Partîya Demokratîke ya Komelkîye (SPD) de çalakîye kerde ke SPD şirîkê hukmatê Almanya yo. Înîsîyatîf waşt ke dosyayêke bido selahîyetdaranê SPDyî la nêame qebulkerdene.