Xeylêk şaristananê Hollanda, Kanada û Fransa de hêrişê îşxalî yê dewleta tirke yê vera Rojawanî ameyî protestokerdene.

Şaristanê Arnhemî yê Hollanda de kurdîstanijan çalakîya xo de pare kerd ke dewleta tirke waranê sivîlan dana bombayan ver û qirkerdiş kena. Çalakîye de ame waştene ke wa warê hewayî yê Rojawanî dewleta tirke rê bêro qefilnayene.

Şaristanê Torontoyî yê Kanada de çalakîkeran seba Rojawanî standêk akerd. Stand de serkêşîya aktîvîstanê TCŞyî de sûcê dewleta îşxalkere ameyî teşhîrkerdene û vilawekî ameyî vilakerdene. 

Şaristanê Draguignanî yê Fransa de serkêşîya aktîvîstanê TCŞyî de hêrişê vera Rojawanê Kurdîstanî bi rayraşîyayîşêkî ameyî protestokerdene. Çalakîye de sloganê sey ''Bijî Berxwedana Rojava'' û ''Bijî Serok Apo'' ameyî vatene. Çalakîye bi sloganan qedîyaye.