Hêriş û ablûqaya vera Mexmûrî xeylêk şaristananê Ewropa de ameyî protestokerdene.

Şaristanê Londonî yê Îngilîstanî de Meclîsê Şarê Kurdî verê Sersefîrîya Iraqî de xîretê ablûqakerdişî yê artêşa Iraqî protesto kerd. Çalakîye de vera sloganî sey ''Mexmûr Kurdîstan o'' ameyî vatene. Qiseykerdişan de ame waştene ke artêşa Iraqî cade xo apey bianca.

Şaristanê Den Haagî de eşkerayîya çapemenîye ameye dayene. Eşkerayîye de venga hêzanê mîyanneteweyîyan dîya ke verê xîretê ablûqakerdişê Mexmûrî bigêrê. Cinîyan zî nameyê Kongreya Starî ser o ablûqaya vera Mexmûrî şermezar kerde. Eşkerayîye pê sloganan qedîyaye.

Şaristanê Baselî yê Swîsre de vengdayîşê CDK-S û YJK-Syî ser o eşkerayîya çapemenîye ameye dayene. Eşkerayîye de bale ameye antene ser ke waştişê Tirkîya, PDK û hukmatê Iraqî ser o Mexmûr gêrîyeno binê ablûqa. Eşkerayîye de ame vatene ke ê heta peynî hetê xoverdayîşî yê Mexmûrî de yê. Eşkerayîye bi rayraşîyayîşêkî qedîyaye.

Şaristananê Lozanî yê Swîsre de wexto ke aktîvîstanê TCŞ û TÊKO-JIN seba azadîya Rayberê Şarê Kurdî Abdullah Ocalanî rayraşîyayîş kerdêne ablûqaya vera Mexmûrî zî protesto kerd.