Paytextê Almanya Berlin de Meclîsê Cinîyan ê Dest-Danî bi wesîleya serrgêra şehadetê înan Hêvî Gabar (Gulîstane Aksoy) û Guvene Doza (Cansele Dursun) bi merasîmêkî yad kerdî.

 Endama Meclîsê Dest-Danî Seda Tanrikulu bername de qisey kerd û qala wird şehîdan kerde. Endama Komîsyonê Keyeyanê Şehîdan ê Nav-Berlinî dayîke Şemse vat: ''Embaze Hêvî rixmê birînanê xo zî xebitîyayêne. Keda aye serê milê ma de ya. Ganî ma seba keda şehîdan bixebitê.''

Endama Meclîsê Dest-Danî Aslihane Asli vat: ''Embaze Hêvî ma reyde bîye, ma de xebitîyayêne. A sey waya ma bîye. Coka têkoşînê înan têkoşînê ma yo.''

Mojnayîşê sînevîzyonî ra dima muzîsyen Ozgur Riha seba wird şorişgêran deyîrî vatî.