Koma Swîsre ya Heyetê Haştîye ya ke seba vergirewtişê hêrişanê Tirkîya yê vera Başûrê Kurdîstanî Tirkîya şîbî Hewlêrî hetê PDKyî ra ameyî açarnayene. Heyetî Basel de eşkerayîyêke daye û Îdareyê PDKyî protesto kerd.

Sekreterê Partîya Basta Franziska Stier, Partîya Karkeran a Cenevre Tobias Schneebelî, Rabîa Baldemîr, Alîcan Yildirir, Mutlu Tatat, Cemal Demîr û endamêkê Delegasyonê Enternasyonelî heyet de ca girewtêne.

Heyetî îfade kerd ke ê seba ke verê îşxalê Başûrî bigêrê û qirkerdişê kurdan vindarnê şîbî herême û vat: ''Pêro serebûtî mojnenê ke Îdareyê PDKyî binê kontrolê dewleta tirke de yo û bi aktoro serek ê nê prosesî.''