Kantonanê Zurich, St. Gallen û Luzernî yê Swîsre ra tay heyetî seba teqîbkerdişê weçînayîşanê 14-28ê gulane şîbî Tirkîya. Heyetî Amed, Anqara de Ajansê Mezopotamya û Jinnewsî, Wekîlo verên ê HDPyî Îdrîs Baluken û Hemsereka ÎHDyî Erene Keskîn zîyaret kerdbî. 

Heyetî St. Gallen de çimdarîyê xo ser o panelêk viraşt. Panel de avûkate Pinare Reşîtoglu, rojnamegere Corinne Riedener, wekîle Fransizka Ryser, avûkat Florian Wickî qisey kerd.

Corinne Rieder qala zîyaretê Ajansê Mezopotamya û Jinnewsî kerde û vat: ''Zîyarte de muxabîra  Jinnewsî Gulşene Koçuk ma rê vat seba ke ê hem rojnameger ê hem zî cinîyê kurd ê raştê hêrişan yenê.''

Avûkate Pinare Reşîtoglu zî da zanayene ke Tirkîya de xeylêk avûkatî 'endamîya rêxistine' ra yenê muhakemekerdene. Florian Wickî zî ard ziwan ke Tirkîya de cuyê avûkatan ser o rîsk est o û vat: ''Avûkat Tahîr Elçîyî seba ke vatbi 'PKK rêxistina terorî nîyo' ame qetilkerdene.''

Wekîla Partîya Çep a Keske Fransizka Ryser zî qala zîyaretanê xo yê bi wekîlanê HDPyî kerde û vat: ''Mi nê zîyaretan de fam kerd ke Tirkîya de polîtîka yew hobî nîya; têkoşîn û xoverdayîş o.''