Hîldesheîm, Toronto û Stockholm de verba îşxalkarîye çalakîyî
Paytextê Swêdî Stockholm, şaristanê Hîldesheîmî yê Almanya û Toronto yê Kanada de verba amadekarîya îşxalkerdişê Rojawanî çalakîyî ameyî viraştene.
Paytextê Swêdî Stockholm, şaristanê Hîldesheîmî yê Almanya û Toronto yê Kanada de verba amadekarîya îşxalkerdişê Rojawanî çalakîyî ameyî viraştene.
Ewropa de Kurdistanijan û dostanê înan amadekarîya dewleta Tirkî ya îşxalkerdişê Rojawanî, Vakur û Rojakewtena Sûrîye şermezar kerde.
Stockholm: Paytextê Swêdî Stockholm de zî çalakîyêk tehdîtê îşxalkarîyê yê dewleta Tirkî ameyî şemezarkerdene. Çalakîye de ame vîrardene ke Kurdan dinya DAÎŞ'î ra xelisnaye û nika Kurdî têna yena verdayene û ame vatene ke ganî ewro her kes paşt bido xoverdayîşê Rojawanî û vera Tirkîya û Amerîka tewir bigêro.
Hîldeshêîm: Bajarê Hîldeshêîmî yê Almanya de çalakîya ya ke garê trenî yê merkezî de ameye viraştene de pankartê "Kiştoxê domanan Erdogan xîret keno ke DAÎŞ'ijanê tepişteyan azad bikê", "Bi çek û pereyanê Almanî pêroyê cihanî Kurdan kişeno", "Hînî bes o bazaro boyîn ê Tirkîya rê." ameyî akerdene. Çalakîye de ser nameyê Antîfa ame vatene ke tankê Rheînmetallî serê sînorî de ameyî rêzkerdene û verba dewleta Almanî tewir ame mojnayene. Qiseykerdişan de ama vatene ke ganî Kurdistanijî her ca de wurzê ser payan.
Toronto: Bajarê Toronto yê Kanada de zî amadekarîya îşxalkerdişê Rojawanî ya dewleta Tirkî ameye şermezarkerdene. Çalakîye hetê Federasyonê Kurdî yê Demokratîkî yê Kanada , Meclîsê Kurdî yê Demokratîkî yê Toronto û The Greater Toronto Kurdîsh House ra ameyî organîzekerdene. Kurdistanijî û dostê înan verê konsolosxaneyê DYA de ameyî pêser û verba îşxalkerdişî pankartî akerdî û alaya YPG-YPJ'yî berz kerdî.