Nobeta 'Rayberê Şarê Kurdî Abdullah Ocalanî rê Azadîye' ya ke şaristanê Strasbourgî yê Fransa de yena kerdene, hewteyê 576. de dewam kena. No hewte nobete hetê hîrê kurdîstanijanê Almanya ra ameye dewrgirewtene.

Kome de kurdîstanijî Fahreddîn Zeray, Fettah Cîrît û Mahmut Agirman cagênê.

Fahrettîn Zerayî nameyê kome ser o qisey kerd û vat: ''Wextêkê dergî ra nata hayîya ma Rayberîya ma ra çin a. Seba ke ma aqîbetê ci bizanê ameyî. Seba ke tecrîdê vera Rayberîye bêro wedaritene ma venga pêro dezgehanê kurdan danê ke wayîrê Rayberîye vejîyê.''