Hollanda de bi aktîvîteyanê cîyayan do Newroze bêra pîrozkerdene
Hollanda de bi wesîlaya Newroze 20’ê Adare de bajaranê Arnhem û Geleenî de rayraşîyayîş do bêrê viraştene. 24’ê Adare de zî Newroze do bera pîrozkerdene.
Komelê Kurdan ê Hollanda bajarê Arnhemî de 20’ê Adare de rayraşîyayîşê Newroze do virazê. Rayraşîyayîş bi şemale, saete 18.00 de Wîlelmspleînî de do bêro destpêkerdene.
Eynî roje û saete de bajarê Geleenî de zî rayraşîyayîşêko bi şemale do bêro viraştene. Rayraşîyayîş do Glanerbrook de bêro destpêkerdene. 24’ê Adare zî Drûten de şayîyêka Newroze do bêra viraştene. Şayîya ke zaf hunermendî do tewrê ci bibê de derheqê muhîmîya Newroze û averşîyayîşanê sîyasî de qiseykerdiş bêrê kerdene.
