Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Herêma Şehîd Delîlî ya Rojawanê Zapî;

6 û 8ê teşrîna peyêne de Warê Xoverdayîşî yê Girê Baharî de îşxalkerî bi taktîkê suîkastî di reyî ameyî pirodayene. Çalakîyan de 2 îşxalkerî ameyî cezakerdene û îşxalkerêk birîndar bi.

8ê teşrîna peyêne de Warê Xoverdayîşî yê Girê Baharî de 2 droneyî bi çekanê ferdîyan ameyî hedefgirewtene û wardayene. Na çalakîye hetê hêzanê ma yê YJA Starî ra ameye kerdene.

Hêrişê bi çekanê qedexeyan;

6,7 û 8ê teşrîna peyêne de Warê Xoverdayîşî yê Girê FMyî yê Herêma Şehîd Delîlî ya Rojawanê Zapî de tunelê ma 4 reyî bi teqaberanê qedexeyan dîyayî bombayan ver.

Bombarduman;

6 û 7ê teşrîna peyêne de Warê Xoverdayîşî yê Girê Şehîd Hawar, Sinînê, Berbizinê yê herêma Xakurkê,warê Mam Nêçîr, Mijê, Mêranê yê herêma Garê, Warê Xoverdayîşî yê Girê Cûdî, Girê Baharî yê herêma Şehîd Delîlî ya Rojawanê Zapî, warê Girê Rojî yê herêma Qendîlî,Warê Xoverdayîşî yê Dergelê yê herêma Metîna 16 reyî bi teyarayanê şerî dîyayî bombayan ver.

6,7 û 8ê teşrîna peyêne de Warê Xoverdayîşî yê Girê Cûdî, Girê Baharî yê herêma Şehîd Delîlî ya Rojawanê Zapî, Warê Xoverdayîşî yê Bêşîlî û Dergelê yê herêma Metîna 35 reyî bi helîkopteranê hêrişî dîyayî bombayan ver.''