HPGyî nasnameyê şehîdanê Dêrsimî eşkera kerdî

HPGyî nasnameyê 3 gerîlayanê ke 2018 de Dêrsim de şehîd bibî eşkera kerdî.

Merkezê Îrtîbatî û Çapemenîye yê HPGyî derheqê babate de eşkerayîyêke nuştekîye daye.

Eşkerayîya HPGyî wina ya:

"Mabênê 28-29ê êlula 2018î de qezaya Mazgirî ya Dêrsimî de dima ke artêşa TCyî ya îşxalkere operasyonêk dabi destpêkerdene şer qewimîya û 3 embazê ma şehîd bîyî. Zanayîşê derheqê embazanê ma yê ke şehîd bîyî de wina yê:

Nameyê Qodî: Armanc Taylan

Name û Peyname: Mustafa Bozyil

Cayê Bîyayîşî: Amed

Maye-Pî: Husna – Azîz

Tarîx û Cayê Şehadetî: 29ê Êlula 2018î / Dêrsim

Nameyê Qodî: Cesur Alî

Name û Peyname: Alî Bagriyanik

Cayê Bîyayîşî: Dêrsim

Maye-Pî: Sevîm - Mustafa

Tarîx û Cayê Şehadetî: 29ê Êlula 2018î / Dêrsim

Nameyê Qodî: Cudî Zerdeşt

Name û Peyname: Şervan Yaman

Cayê Bîyayîşî: Colemêrg

Maye-Pî: Halîme – Omer

Tarîx û Cayê Şehadetî: 29ê Êlula 2018î / Dêrsim

Embazê ma yê Armanc, Cesûr û Cûdî keyeyanê welatperweran de ameyî dinya û ciwanîya xo de Têkoşînê Azadîye şinasna. Embazê ma yê şehîdî bi şîara Kurdîstanê Azadî û Rayberîya Azade tewrê gerîlayan bîyî. Embazanê ma şerê vera dewleta TCyî ya faşîste de ca girewt û seba ke Têkoşînê Azadîye yê Kurdîstanî serfîraz bibo heta peynîye şer kerd. Ma sere de keyeyanê embazanê ma yê şehîdan rê pêro şarê Kurdîstanî yê welatperwerî rê serweşîye wazenê. Ma soz danê ke ma do Têkoşînê Azadîye yê Kurdîstanî bi serfîrazîye tacîdar bikerê."