Hukmatê Almanya kongreya KCDK-E a ke do 11ê temmuze de Koln de biameyêne kerdene qedexe kerde. 

Dîwanê Hemserekîye yê KCDK-E bi eşkerayîyêke da zanayene ke Polîsê ke pê telefonî gêrayî hemserekanê KCDK-E qerarê qedexeyî da eşnawitene.

Eşkerayîye de nê ameyî vatene: ''KCDK- E ke Almanya de dezgeho tewr pîl ê kurdan o kongraya ci ya 4. a ke do 11ê temmuze de Koln de biameyêne kerdene hetê polîsê Kolnî ra ameye qedexekerdene.

Konreya ke do roja yewşemeyî biameyêne kerdene bitaybetî roja îneyî badê qedîyayîşê saetê mesaî ra dima dîya zanayene. Eynî wextî de hukmatê almanî bi rayîrê rojnameyê Focusî zî da eşnawitene ke înan konraya KCDK-E qedexe kerda.

Sebebê qedexeyî zî sey KCDK-E dewamê PKKyî yo ke Almanya de qedexe yo ame ramojnayene û zura 200 selahîyetdarê payeberzî yê PKKyî do tewrê  kongra bibê ameye vatene.

KCDK-E ke Belçîka de ameye ronayene û goreyê qanûnanê Ewropa fermî ya her cayê Ewopra eşkena sey fermî kongra bikero. Herinda zura 200 selahîyetdaranê PKKyî de welatanê sey Belçîka, Hollanda, Îngîlîstan, Fransa, Awusturya, Swîsre, Swêd, Danîmarka, Fînlandîya, Norveç, Îtalya , Qibris, Yunanîstan, Kanada, Awusturalya û Almanya  ra bi tewrbîyayîşê bi seyan hemserekanê meclîsanê fermîyan û delegeyan do kongre bîameyêne kerdene.

Polîsê almanî bi nêqerarî yê deqaya peyêne bi seyan dezgehê kurdan ê fermîyî krîmînalîze kerdî hendê nêm mîlyon merdimê ke endamê nê dezgehanê hedef girewtî ke no nêno qebulkerdene.

Konraya KCDK-E ke ameye qedexekerdene sere de serekê Şaredarîya Kolnî xeylêk welatanê Ewropa ra wekîlan me şexsîyetanê muhîman û dezgehan ci rê mesajê paştdayîşî şawitî û tay zî tewrê ci bîyî, tayînan zî mesajê bidimenî şawitî û kongre selam kerde.

Polîsê almanî ke kongre qedexe kerde Erdoganê dîktarorî ra talîmat geno. No tewirê hukmatê almanî ma rê xerîb nêyo. Erdogano dîktator faşîst vera HDP û dezgehanê muxalîfan hêrişanê qirkerdişê sîyasîyî keno. Ma zî raştê wina yew hêrişî ameyî. Hukmatê almanî sey dewleta tirke ya faşîste têgêreno û qanûnanê xo binpay keno. Ma wina hedef girewtişê KCDK-E qebul nêkenê.

Ma do vera nê qerarê bêhuqûqî ke şarê kurdî hedef geno têkoşînê xo rê dewam bikerê. Hem hetê huqûqî ra hem zî ma do nêrazîbîyayîşê xo yê demokratîkî ramojnê. Vera na neheqîye ma  semedê paştîdayîşî veng danê. Ma sey KCDK-E  veng danê hukmatê almanî ke wa na xeletîye ra peyser agêro.''