Avusturya de Innsbruck de bi beşdarîya Hemserekê Federasyonê Elewîyan ê Demokratîkan (FEDA) û Endamê Dîwanê KCDK-E Demîr Çelîkî Merkezê Kulturê Elewîyan de derheqê Komployê 9ê Teşrîna Verêne de panelêk ame kerdene. 

Demîr Çelîkî bi şermezarkerdişê Komployê Mîyanneteweyî dest pê qiseykerdişî kerd. Çelîkî qala tesîrê komployî kerd û vat: ''Sere de Rayberê Şarê Kurdî Abdullah Ocalanî şarê kurdî bi xoverdayîşêkê heybetînî no komplo pûç kerd.''

Çelîkî dima bale ante kayanê vera elewîyan û kurdan ser û îfade kerd ke eke federasyon û komeleyê elewîyî pabesteyê Wezîrîya Kulturî ya Tirkan bibê no do zerar bido elewîyan. Çelîkî da zanayene ke HDP seba elewîyan xetêka lazim a.

Çelîkî peynîya panelî de cewab da persanê beşdaran.