Kampanyaya îmzayan a vera qedexeyê serê PKKyî welatanê Ewropa û Kurdîstanî de dewam kena. Paytextê Swêdî Stockholm de her roje standî ronîyenê û seba ke PKK lîsteya terorî ra bêro vetene îmzayî arê dîyenê. 

Mihemed Salih Gok Stockholm de sey 'Salihê îmzacîyî' şinasîyeno. Salih her roje vejîyeno kuçeyan, dokumantanê xo gêno xo milî û îmzayan arê dano. Gok hem derûdorî de rewşa kurdan û Kurdîstanî ser o qisey keno, hem zî karê xo keno.

Mihemed Salih Gok vano ganî her kes bizano ke eke nameyê PKKyî mîyanê lîsteya terorî ra bêro vetene o çax azadîya Rayberê Şarê Kurdî zî do bêra caardene. Gok wina dewam keno: ''Na lîsteya gemarine verê destvistişê heqanê kurdan gêna. Ganî her kes naye bizano û bi heskerdişî nê karî bikero.''