Kampanyaya 'Ocalanî rê Azadîye' ya ke 1ê teşrîna peyêne de dîyabi destpêkerdene Ewropa de dewam kena.

Şaristanê Bernî yê Swîsre de hetê Meclîsê Cinîyan ê Mizgîne, Têgêrayîşê Ciwanan ê Şorişgêran û Cinîyan ê Ciwanan ê Azadan ra îstasyonê trenî de standêk ame akerdene. Çalakîkeran stand de broşurî vila kerdî û şar agahdar kerd. Çalakîye saetanê şewe de qedîyaye. Bajarekê Oltenî de zî aktîvîstanê Meclîsê Cinîyan ê Rojbîne û TCŞyî noqtayanê girîngan ê şaristanî de pankart û afîşê seba Ocalanî darde kerdî.

Şaristanê Darmsadtî yê Almanya de cayanê cîya cîyayan de bi almankî û tirkî pankartê bi nuşteyê 'Abdullah Ocalanî rê Azadîye' ameyî daliqnayene.

Şaristanê yê Fransa de aktîvîstanê Têgêrayîşê Ciwanan ê Şorişgêran çalakîya bêîtaatîya sivîle kerde. Çalakîye semtê Cenonî de dest pêkerde. Ciwanan pankartê bi nuşteyê '7665 rojî yo Abdullah Ocalan tecrîd de yo' û 'Ocalanî rê Azadîye' akerdî. Çalakîye de bi fransizkî û kurdkî sloganî ameyî vatene.

Şaristanê Ouluyî yê Fînlandîya de kurdîstanijan û dostanê înan afîşê bi nuşteyê 'Ocalanî rê Azadîye' akerdî.