Hemserekê KNKyî Ahmet Karamusî ANFyî rê qisey kerd û seba awankerdişê îtîfaqê yewîya neteweyîye veng da.

Karamusî bale ante ser ke hêriş û planê îşxalî yê dewleta tirke pêro kurdan û çar parçeyanê Kurdîstanî zî kenê hedef. Karamusî vat: ''Erdoganî seba çinkerdişê destkewteyanê kurdan Bexdad û Hewlêr zîyaret kerd. Tewirê PDKyî seba kurdan tehluke yo. Ganî PDK hemkarîya dewleta tirke nêkero. 

Dewleta tirke nika gêrena ke seba qirkerdişê kurdan xo rê mutefîqan bivîna. Tek armancê dewleta tirke îşxalê Başûr û Rojawanê Kurdîstanî yo. Dewleta tirke wazena hukmatê Iraq û PDKyî zî tewrê ney bikera. 

Seba ke tehlukeyê qirkerdiş û îşxalî werte ra wedarnê mesuldarîyê pîlî kewenê partî, rêxistin û dezgehanê kurdan ser. Ganî ma îtîfaqê xo yê neteweyîyî awan bikerê. Eke bingeyê yewîya neteweyîye de îtîfaqêk bêro ronayene, no do bieşko hêrişanê îmha yê neweyan pûç bikero.''