KCDK-E bi wesîleya 1ê Gulane Roşanê Karkeran eşkerayîyêke daye. 

KCDK-E da zanayene ke her cayê dinya de 1ê Gulane de karker û kedkarî vera îstîsmarê kede, teda û cînayetanê karî vejîyenê waran. KCDK-E vat: ‘’Modernîteya kapîtalîste ewro tena seba kedkaran ney seba ameyoxê xoza û merdimatîye zî bîya tehluke. 1ê Gulane sembolê têkoşînê bindestan ê vera sîstemê kapîtalîzmî yo. 

Rayber Apoyî 27ê sibate de bi nameyê ‘Vengdayîşê Haştîye û Komelê Demokratîkî’ vengdayîşêko tarîxî kerd. Rayber Apo rixmê şertanê tecrîdî tim seba şaran, bindestan û pêro merdimatîye bi hêvî. Rayber Apoyî waşt ke verê komelê azadî û demokrasîyî abikero, heqanê pêro pirrengan, dîn û cînsîyetan bîyaro ca û polîtîkayanê şer û zorbazîye biqedîno.

Çareserîya meseleya kurdan sey mefteyê demokratîkbîyayîşê Tirkîya û herême dîyena. Polîtîkayê şerî yê Tirkîya çimeyanê budçe wenê. 

Bi wesîleya 1ê Gulane ma seba qedînayîşê şeranê Kurdîstan, Sûrîye, Iraq û dinya veng danê ke waran debikerê û seba haştîye vengê xo berz bikerê. Ma 1ê Gulane Roşanê Karkeran de seba azadîya Rayber Apoyî Ewropa, Avusturalya û Kanada de seferber bibê û meydanan debikerê.

Seba awankerdişê cuyêka ekolojîke, azadîgîra cinîyan û komelê demokratîkî vejîyê waran.’’