Kongreya Civakên Demokratîk ên Kurdistaniyên li Ewrupa-KCDK-E) derheqê hêrişanê îşxalî yê dewleta tirke yê vera Rojawanî de eşkerayîya nuştekîye daye û veng da şarî ke wa vera hêrişan wirzo payan ser.

Eşkerayîye de nê ameyî vatene: ''Dewleta tirke ya îşxalkera ke tarîxî ra nata wazena kurdan qir bikero û semedê nê heme metodanê leyminan şuxulnena bi çetayanê xo yê barbaran vera Rojawanî hêrişê xo zêdînayî. Nê hêrişî verê çimanê dinya de bi qebulkerdişê hêzanê mîyanneteweyîyî yenê kerdene. Bi nê hêrişan çîyo ke DAÎŞî nêeşka bikero kenê ke temam bikerê. Hêrişî Şorişê Rojawanî hedef genê. Tehlukeyo gird est o. Ganî şarê ma her ca de wirzo payan ser û vara îşxalî bivejîyo.

Dewleta tirke ya qirkere wazena Îdareyê Xoserî werta wedaro û koas biafirno û pîya bi çetayanê barbaran Rojhelatê Mîyanênî gonî de biverdo. Peyê nê çeteyan de dewleta tirke est a. Dewleta tirke wazena ke şaran biverdo pê. Bi îşxalkerdişê Rojawanî wazena şorişê cinîyan werte ra wedaro.

Coka ma veng danê ke wa şarê ma vera nê hêrişan bibo seferber. Wa şarê ma her ca de semedê wayrîvejîyayîşê destkewteyanê Rojawanî têbigêro. Şarê ma yo ke Ewropa de yo ganî bi ruhê Kobanê vejîyo waran û wayîrê Rojawanî bivejîyo.''