KCDK-E semedê tewrbîyayîşê çalakîyanê 6ê hezîrane veng da

KCDK-E seba tewrbîyayîşê rayraşîyayîş û çalakîyanê xoverdayîşî yê ke Ewropa, Kanada, Awustralya û pêro dinya de 6ê hezîrane de do bêrê kerdene veng da.

KCDK-E seba tewrbîyayîşê rayraşîyayîş û çalakîyanê xoverdayîşî yê ke Ewropa, Kanada, Awustralya û pêro dinya de 6ê hezîrane de do bêrê kerdene pê eşkerayîyêke veng da.

Eşkerayîye wina ya:

''Dewleta tirke ya îşxalker û qirkere bêmabên vera şarê kurdî şerêkê topyekunî kena. Dewlete wazena her parçeyê Kurdîstanî de pê îşkence, remnayîşê cinîyan, îstîsmar, dizdî, talan û asîmîlasyonî ca bida xo.

Vera xoverdayîş û têkoşînê cinîyan rejîm û dîktatorîya Erdoganî hêrişê tewir bi tewir keno. Seba pawitişê erdê xo, rûmetê xo, heqê xo yê ciwîyayîşî û ameyoxê xo ganî ma zêdêr têkoşîn bikerê. Wayîrvejîyayîşê Kurdîstanî wezîfeyê ma yo verên o.

Nê esasî ser o sey KCDK-E ma venga şarê xo kenê ke pê şîarê 'pê her çalakîye her roje Kurdîstan' wurzo payan ser. Her ca de ma do pê çalakîyan kolonyalîzmê tirkan û Erdoganî teşhîr bikerê.

Ma do 6ê hezîrane de Ewropa, Kanada, Awustralya û her cayê dinya de sey cinî, camêrd, ciwan, doman û kokiman bi xurtî tewrê rayraşîyayîş û çalakîyanê xoverdayîşî û serewedaritişê neteweyî bibê.''