Kongreya Komelanê Demokratîkan ê Kurdîstanija  ê Ewropa bi eşkerayîyêke venga pêro kurdîstanijan û dostanê înan de ke 12ê teşrîna peyêne de Almanya de tewrê rayraşîyayîşê merkezî yê Dusseldorfî bibê.

KCDK-E  eşkerayîya xo de vist vîrî ke dewleta tirke pê çalakîyanê kîmyewîyan hêrişê gerîlayan kena û sûcê şerî kena. KCDK-E ard ziwan ke bêvengîya vera nê hêrişan hemkarîya sûcî ya. KCDK-E vat: ''Ma sey wextê Kobanê seba ke dezgehanê sey OPCWyî wurznê payan ser ganî têkoşîn bikerê. Ganî şarê kurdî bi ruhê yewîya neteweyîye têbigêro û seferber bibo.

Roje roja wayîrvejîyayîşê rûmet û ameyoxî ya. Wa her kes bera hêrişan têbigêro, wayîrê ruhê Zap û Avaşînî bibo û hêrişanê kîmyewîyan ê dewleta tirke vindarno. Ma sey KCDK-E sere de pêro kurdîstanijî venga pêro merdimanê wayîrwijdanan danê ke 12ê teşrîna peyêne de tewrê rayraşîyayîşê Dusseldorfî bibê.''