Kongreya Komeleyanê Demokratîkan ê Kurdîstanijan a Ewropa  (KCDK-E) bi wesîleya 1ê Êlule Roja Haştîye ya Dinya eşkerayîye daye û nê vatî:

''Erdogano dîktator herême û dinya de vera haştîye tehdîtêk o la  dewletê Ewropa vera hêrişanê Tirkîya bêveng ê. Coka hêrişê dewleta tirke ya îşxalkere yê vera Kurdîstanî çend şinê zêdîyenê.  Rojnamegerî, cinî, doman û sîvîlî hedefê dewleta tirke de binê tehlukeyê qirkerdişî de yê.

 Şarê kurdî bedenê xo vera çeteyanê DAÎŞî yo ke sereyê dinya de bibî bela, kerd sîper û ganê xo da. Cinîyan û ciwananê kurdan vera DAÎŞî bi hewayêkê qehremankî şer kerd. Erdogano ke vera nê qehremanan ser nêkewt ewro bi hemkarîya PDK û Iraqî keno ke Kurdîstan îşxal û îhlak bikero. Coka rojnameger, cinî, extîyar, doman û şarê sîvîlî hedef geno.

Ma sey KCDK-E bi wesîleya 1ê Êlule Roja Haştîye ya Dinya seba ke verê qirkerdişan û rijnayîşê ekolojîkî bêro girewtene û haştîye bêro 1ê Êlule de vera şerî waştişê xo yê haştîye newe kenê. Roja Haştîye ya Dinya de ma semedê şiknayîşê beranê Îmraliyî bibê seferber.''