KCDK-E bi eşkerayîyêke venga pêro kurdîstanijan da ke 7-8ê teşrîna verêne de tewrê çalakîyanê seba azadîya Rayberê Şarê Kurdî Abdullah Ocalanî bibê.

KCDK-E ard ziwan ke sîstemê îşkence û tecrîdî yê Îmraliyî 25 serrî yo dewam keno û pêro kurdî yenê tecrîdkerdene. 

KCDK-E vat: ''Azadîya Rayber Apoyî azadîya kurdan, cinîyan, ciwanan û pêro bindestan a. Sîstemê Îmraliyî vera pêro merdimatîye yeno kerdene. Şiknayîşê tecrîdî û caardişê azadîya Rayber Apoyî merkezê têkoşînê ma yê. Ma bêvengîya Konseya Ewropa û CPTyî zî qebul nêkenê. Na bêvengîye yena manaya şirîkîya sîstemê îşkenceyî. Ma venga Konseya Ewropa û CPTyî danê ke vera tecrîdî cade erkanê xo bîyarê ca.

Ma sey KCDK-E venga pêro kurdîstanijan danê ke 7-8ê teşrîna verêne de serkêşîya TJK-E de tewrê çalakîyanê seba azadîya Rayber Apoyî bibê.''