KCDK-E bi eşkerayîyêka nuştekîye veng da ke wa şarê kurdî û dostê ci vera hêrişanê îşxalî yê dewleta tirke yê vera Metîna vejîyê waran.

Eşkerayîye de ame vîrvistene ke artêşa tirke ya îşxalkere bi helîkopteranê hêrişî, teyarayanê şerî, top û obusan vera Metîna hêrişê Îşxalî dayo destpêkerdene û nê ameyî vatene: "Hêrişê îşxalî heme erjan, ameyox û destkewteyanê Kurdîstanî hedef kenê. Dewleta tirke ya îşxalkere pîya bi hemkarê ci PDKyî xeta îxanetî de israr kenê. Xoverdayîşê şarê kurdî û têkoşînê şervananê azadîye plananê îşxalkeran betal kerd. 

Ewro vera Herêmanê Pawitişî yê Medya de vera gerîlayanê ke têkoşînê anorî rayra benê  bi hemkarîya PDKyî hêrişê îşxalî dîya destpêkerdene. Nê hêrişî vera şarê Kurdîstanî û erjanê ci yenê kerdene. Her kurdistanijo ke pabesteyê herre, erjan û şarê xo yo  ganî vera na polîtîkayanê leyminan sey wezîfeya ci ya neteweyî vengê xo berz bikero. Roje roja yewbîyayîşî û vera polîtîkayanê hêriş, îşxal û qirkerdişî yê dewleta tirke xurtkerdişê têkoşînî ya. Ma sey KCDK-E veng danê ke wa şarê kurdî û dostê ci vera polîtîkayanê leyminan vengê xo berz bikerê."