KCDK-E: Ma wehşetê dewleta tirke teşhîr bikerê

KCDK-E veng da kurdan û dostanê ci ke wa hêrişê dewleta tirke yê vera Rojawanî bifînê rojdemê Ewropa û teşhîr bikerê.

Kongreya Komelanê Demokratîkan ê Kurdistanijan ê Ewropa (KCDK-E) derheqê hêrişanê dewleta tirke yê vera Rojawanî de eşkerayîye daye û vengdayîşê hîsgêrîye kerd.

KCDK-E vîst vîrî ke vizêr reyna hêrişê dewleta tirke yê vera Rojawanî de domanêk ame qetilkerdene û vat: ''Dewleta tirke ya qirkerdoxe hêrişanê xo yê vera Kurdîstanî bêmabên domnena. Cinî, extîyar û doman nêvena kurdîstanijan qetil kena. Hêrişanê peyênan ê vera Rojawanî de 16ê tebaxe de domanêk ame qetilkerdene û 3 kesî birîndar bîyî. Hêriş de Kobanê ame hedefgirewtene û herêma sînorî de xeyêk cayê sîvîlan qirkerdişan dir rî bi rî yê. Eşkera yo ke hêrişî do giranêr bibê. Demê peyênî de hêriş vera Rojawanî zêdîyayî û xeylêk sîvîlî ameyî qetilkerdene.

Ma veng danê şarê xo ke wa vera nê hêrişan hîsgêr têbigêro. Ma wehşetê dewleta tirke bifînê rojedemê rayapêroyîye yê Ewropa û teşhîr bikerê. Ma sey KCDK-E veng danê şarê xo ke wa vera hêrişê serê Rojawanî ke sîvîlî yenê hedefgirewtene nêrazbîyayîşê xo yê demokratîkî ramojno.''