Kongreya Komelanê Demokratîkan ê Kurdîstanijan ê Ewropa (KCDK-E) bi eşkerayîyêke bale ante ser ke ê do serrgêra 100. ya Peymana Lozanî de bi kombîyayîşêkî bernameyê xo yê çalakîyanê vera na peymane eşkera bikerê.

KCDK-E eşkerayîye de vat ke Peymana Lozanî çimeyê înkar û qirkerdişê kurdan o û na peymane Kurdîstan kerdo çar parçeyî. KCDK-E pare kerd ke rîyê Peymana Lozanî ra dewleta tirke ewro çekanê kîmyewîyan vera gerîlayan şuxilnena, erdê kurdan îşxal kena û kurdan qir kena û reyna rîyê na peymane ra dinya verê dewleta tirke de bêveng manena.

KCDK-E vat: ''21ê teşrîna peyêne de Komîteya Kar û Çalakîyan a Vera 10 Serrîya Peymana Lozanî saete 12.00 de, verê bînaya ke tede peymane amebî îmzakerdene de kombîyayîşêkê girdî bikera û bernameyê vera Peymana Lozanî eşkera bikera. Ma venga pêro kurdîstanijanê Swîsre danê ke tewrê nê kombîyayîşî bibê.''