KCDK-E bi eşkerayîyêke da zanayene ke înan 'Rayraşîyayîşê vera Komployî yê Strasbourgî û Azadîya Rayber Apoyî' erdlerzî ra semed taloq kerdbi û nika bire daye ke rayraşîyayîş 15ê nîsane de bikerê.

KCDK-E eşkerayîye de bale ante ser ke azadîya Rayberê Şarê Kurdî Abdullah Ocalanî seba şaran destpêkê tarîxêkê neweyî do biba. KCDK-E vat: ''Yar û neyar wa bizanê ke ma serra 25. ya Komployî de do Rayber Apoyî azad bikerê. Serra 2023yî serrgêra 100. ya Peymana Lozanî ya ke Kurdîstan kerdo parçe û qirkerdişê kurdan dayo destpêkerdene. Seba ke faşîzmê AKP-MHPyî bêro çinkerdene, seba caardişê azadîya Rayberîye û statuyê Kurdîstanî ma seba çalakîyanê merkezîyan ê 15ê Nîsane seferber bibê.

Bi nê armancî 15ê nîsane de Marsilya, Norwêç, Fînlandîya, Swêd, Goteborg, Kanada, Qibris, Îngilîstan, Avusturya, Îtalya, Avusturalya û Yunanîstan de rayraşîyayîş û mîtînganê 'Rayber Apoyî rê Azadîye' bikerê. Seba azadîya Rayberê ma, şarê Kurdîstanî û dostê ma ganî tewrê nînan bibê.''