Dîwanê Hemserekîye yê KCDK-E vera hêrişê hewayî yê dewleta tirke yê serê Herêmanê Pawitişî yê Medya, Mexmûr û Şingalî nêrazîbîyayîşê xo mojna û veng da ke ewro saete 17:00 de her kes wa beşdarê çalakîyanê Ewropa, Kanada û Awusturalya bibê.

Eşkerayîya KCDK-E wina ya:

''Ma sey şarê Kurdîstanî û dostê ma vera hêrişanê dewleta tirke  her ca bivurnê cayê çalakîye û xoverdayîş xurt bikerê. Vera îşxal û îlhaqê dewleta tirke ya faşîste, vera hêrişanê topyekûnan ma her ca de xoverdayîşê topyekûnî bikerê. Ma venga merdimîye bikerê û Kurdîstan bipawê.

Ganî şar û dostê ma seba ke polîtîkayanê qirkeran ê Tirkîya biqedînê û bêvengîya dinya bivînê verê dezgehanê mîyanneteweyîyan, parlamentoyanê herêmîyan û merkezanê çapemenîye yê mîyanneteweyîyan de çalakîyan bikerê.

Ma Ewropa, Kanada, Awustralya de wurzê payan ser û wayîrê şarê xo, erjanê xo, rûmet û welatê xo bivejîyê.

Nameyê KCDK-E ser o ma venga şarê kurdî, şaranê pêroyînan, hêzanê şorişgêran, demokrat, roşnvîr, muxalîf û terefgîranê merdimîye danê ke wurzê payan ser her ca de roja 15ê hezîrane daete 17:00 de bi hawayêkê hemwextî Ewropa, Kanada û Awustralya de beşdarê çalakîyan bibê û xoverdayîş pîl bikerê.'