Dîwanê Hemserekîya KCDK-E eşkerayîyêka nûştekîye weşanaye û ard ziwan ke, “Ûgûr Şakar o ke 20'ê Sibata 2019'î de bajarê Krefeldî yê Almanya de çarçewaya hemelaya ‘‘‘Ma do tecrîdî bişiknê, faşîzmê birijnê, Kurdistanî azad bikerê‘‘ bi vinetişêko fedayî bedenê xo dabi verê adirî, ewro şehîd kewt."

Eşkerayîye de ame vatene, cenazeya Şakarî ewro do nêweşxaneyî ra bêra girewtene û ame vatene, “Wayîrvejîyayîş nê hemrayê ma wezîfeyê ma yo esasî yo.”KCDK- E da zanayene, hemleye êdî bîya rastîyêka xoverdayîşî ya cimatî û çar hetanê dinya ra vila bîya.

Eşkerayîye de bale ame antene serê vinetişê xoverdayoxanê grevê vêşanîye û ame vatene ke “Şehadetê Zulkuf Gezerî ra dima, hemrayê ma Ûgûr Şakar zî  şehîd kewt. Nê şehadetan ramot ke êdî na hemleye do ser bikewe. Teberê naye de seba serkewtişî rayîrêko bîn çin o.  Vera hemrayanê ma yê şehîdbîyayan de teyna çîyêko ma bikerê o yo ke bi xurtî înan ra wayîrê bivejîyê û  bi xoverdayîşî cewab bidê mîrasê înan. Mektuba ke hemrayê ma Ûgûr Şakarî nuşta eynî wext de manîfestoyê ma yê xoverdayîşî yo. Ganî ma hemrayê xo bi hawayêko biheybet bigê serê milan û bi merasîmêko biheybet oxir bikerê."

Peynîya eşkerayîye de vengdayîş bi Kurdan û dostanê înan ê Ewropa ra ame kerdene ke tewrê merasîmê cenazeya bibê.

Hetê bînî ra goreyê zanayîşan keyeyê Şakarî do ewro saet 15 ra dima Komela Elewîyan a Neussî de serweşîyan qebûl bikero.