KCDK-E  vat tecrîd bi pêvînayîşêk ney, ganî bi hawayêkê mendayeyî bêro wedaritene û seba xurtkerdişê xoverdayîşî veng da ke her kes Şeme Dusseldorf de amade bo.

Xoverdayîş do peynîya faşîzmê AKP-MHP'yî bîyaro

KCDK-E  derheqê pêvînayîşo ke avûkatan Rayberê Şarê Kurdî Abdullah Ocalanî reyde 2'ê Gulane de kerdo de vat, faşîzmê AKP-MHP'yî vera xoverdayîşî de tengasîye de yo, seba ke bikero malzemeyê weçînayîşî û vernîya zextanê rayapêroyî yê zere û teberî bigêro û xoverdayîşî qels bikero 8 serran ra dima seba avûkatan pêvînayîşê Îmraliyî plan kerd. Xoverdayîşê grevê vêşanîye yê bi hezaran kesî yê Kurdistan û Tirkîya û dinya Erdogano dîktator û ekîbê ci tengasîye de verdayî, weçînayîş de binkewtişo gird ciwîyayî û hetê bînî ra hemverê têkoşînê vera tecrîdî de bêçare mendî.

Dewamê eşkerayîye de ame vatene, têkoşînê  ''Ma tecrîdê bişiknê, faşîzmî birijnê, Ocalanî azad bikerê" do peynîya serdestîya faşîzmê AKP-MHP'yî bîyaro, no têkoşîno birûmet o ke serê zemînêkê heqdarî dewam keno bingeyê serdestîya faşîst a AKP'yî hejnayo û kayê înan xeripnayo û serkewtişê xoverdayîşê grevê vêşanîye do rayîrê heme azadîyan a bikero û aşitîyêka birûmete û mendayîye bîyaro.

Têkoşînê seba wedaritişê tecrîdî xurt bikerê

KCDK-E ard vîrî ke Ocalan îradeyê bi mîlyonan o û vat, ''Seba naye zî bi hawayêko mendaye wedaritişê tecrîdî û zextê Îmraliyî seba şarê Kurdî tekane yê çareserî yo. Ma KCDK-E vengdayîş bi şarê xo yê welatperwer, şorişgêr, demokrat û roşinvîr û hem muxalîfan kenê,  dorê têkoşînê heqdar ê demokrasî û azadîye de bêrê têhet û xoverdayîşî xurt bikerê û ci ra wayîr bivejîyê. Ma seba 11'ê Gulane roja Şemeyî veng danê ke her kes tewrê çalakîye 'Seba 7 hezar girewteyî, rêzila merdimî ya 7 hezar merdimî'' bibo ke Dusseldorfî yê Hauptbahnhofî ra heta Parlamentoyê Dusseldorfî do bidomno. Çalakîye vernîya Parlamentoyê Dusseldorfî de bi mîtîngêk do bêra qedênayene.”