KCDK-E netîcenameyê konferansê xo yê 11-12ê kanûne eşkera kerd û da zanayene ke înan Merkezanê Komelê Demokratîkî yê Kurdan û meclîsan de bira 'seferberîya rêxistinbîyayîşî' girewte.

Netîcenameyê KCDK-E de nê birî cagênê:

''Ma konferansê xo de wina ercna ke erkê ma yo sereke caardişê şorişê hişmendîye û wijdanî yo. No zî yeno manaya caardişê paradîgmaya Rayber Apoyî yo. Coka caardişê sîstemê Konfederalîzmê Demokratîkî erkêko tarîxî yo. Eke ma bieşkê paradîgmaya ekolojîke, azadîgîra cinîyan û demokratîke ser de xo awan bikerê o çax eşkenê peynîya qirkerdişanê vera Kurdîstanî bîyarê.

Ma konferansê xo de bire daye ke pêro hetan ra komelê xo rêxistin bikerê û bi nê hawayî paradîgmaya Rayberîye bîyarê ca. Ma bire daye ke sere de merkezanê komelî û komunan de serkêşîya hemserekanê xo de pêro komelî perwerde û rêxistin bikerê, şarî bi îrade bikerê. Ma konferansê xo de bire daye ke bi şîarê 'Qet yew kurdîstanij/e nêmano/a ke ma xo nêresnê ci' pêro Merkezanê Komelê Demokratîkî yê Kurdan û Meclîsan de seferberîya rêxistinkerdişî/rêxistinbîyayîşî bidê destpêkerdene.''