Dîwanê Hemserekîye yê KCDK-E bi eşkerayîyêka nuştekîye waşt ke wa Kurdistanijî û dostê înan tewrê çalakîya 8’ê Hezîrane ya Kolnî bibî.

KCDK-E ard ziwan ke bi paştdayîş û girdkerdişê xoverdayîşî Efrîn eşkeno îşxalî ra bêro xelisnayene û vernîya îşxalanê neweyan yeno girewtene û va: ’’Ma eşkenê Ewropa de rîyê raştî yê dewleta Tirkî teşîr bikerê û vernîya polîtîkaya înan a hêrişkare bigerê. No hêzê ma esto. Dormeyê Efrînî de bi viraştişê dêsî wazenêke Kurdistan ra raqilnê. Reyna vera Başûrê Kurdistanê zî planê înan ê îşxalkarîye dewre de yê. Ganî vera Erdogan û çeteyanê ci ma wayîr Efrînî bivejîyê. Ma ganî biqerar xoverdayîş xurt bikerê û heme sazîyanê mîyanneteweyî polîtîkaya hêrişakare ya Tirkî ra xerberdar bikerê. Na çarçewe de 8 Hezîrane de Koln de do rayraşîyayîşêko gird bêro viraştene. Ma veng dane her kesî ke wa tewrê na çalakîye bibê û paştî bide şarê Efrînî’’