KCDK-E semedê paştdayîşê şarê Kampa Mexmûrî eşkerayîye daye û waşt ke wa her kes peynîya hewteyî de tewrê çalakîyan bibo. 

Eşkerayîye de nê ameyî îfadekerdene:

"Kampa Mexmûr de hendekê ke artêşa Iraqî kendî, şarî pê destanê o kerdî de û semedê pawitişê kampe bedenê xo kerd barîkat. Şaro ke rîyê zilmê dewleta tirke ra remayo, Kampa Mexmûrî de ciwîyeno, rixmo ke binê pawitişê Neteweyanê Yewbîyayeyan de yo, vera hêrişî têna ameyo verdayene. Kampa Mexmûrî de cinî, doman, extîyar her kes binê tehluleyê girdî de yo. Bêvengîya Neteweyanê Yewbîyayeyan nîna qebulkerdene, gerek cade vera hêrişan mudaxale bikero. Keyeyê Barzanîyî zî hemkarê nê sûcî yo. Bi hêrişê dewleta tirke yê ke bi hemkarîya Keyeyê Barzanîyî yenê kerdene  û ablûqayê Iraqî yeno waştene ke Mexmûr bibo hepîsxaneyo akerde. 

Şarê Mexmûr sey tim vera hêrişan xover dano. Ma xoverdayîşê Mexmûrî silam kenê û veng danê şarê xo yo ke teberê welatî de yo, wa hîsgêr têbigêro û wayîrê Mexmûrî bivejîyo. Ma her ca de tewirê xo yê demokratîkî ramojnê û dewleta tirke, PDK û rejîmê Iraqî teşhîr bikerê. Paytextanê Ewropa de yê ke tede temsîlkarîye Iraqî est ê, ma peynîya hewteyî de semedê aktîvîteyanê protestoyî bibê seferber. "