KCDK- E hêrişê vera şarê Rojawanî ke semedê pawitişê Awbendê Tişrînî rayraşîyayîş kerd, protesto kerd  û veng şarê kurdî û dostanê ci ke Ewropa de yê, wa vejîyê kuçeyan.

Eşkerayîye de wina ame vatene:

Dewleta tirke ya îşxalkere hêriş û qirkerdişanê xo domenena. Şarê ma yê Ewropa ganî hîsgêr bo û her ca de dewleta tirke ya îşxalkere protesto bikero.

Bi rojan o Rojawan û Vakurê Kurdîstanî de vera bombardumanê vera Awbendê Tişrînî û polîtîkayanê îşxalkerdişê Rojawanî bi hewayêkê qerardarî xoverdayîş dewam keno.

Ewro bi hezaran kesî sey konvoyî semedê nê xoverdayîşî dahîna gird bikerî verê xo da Tişrînî. Dewleta tirke bi droneyanê çekdaran hêrişê şarî kerd.  Netîceya hêrişî de xeylê kesî ameyî qetilkerdene û xeylê kesî bi giranî birîndar bîyî.

Dewleta tirke şaro sîvîlo hedef girewt. Şarê ma ganî vera qirkerdişî hîsgêr bo û her ca de nê hêrişan protesto bikero.